يا ظريف الطول
.......................................
ياظريف الطول يابو الميجنا
ميل علينا اليوم بيت عندنا
لما إنت طليت زهر وردنا
والعود رندح والوتر غنى غنا
.........................
شوف السنونو طار رفرف عالشجر
عطر الورد والفل بالجو انتشر
حتى نجوم الليل ضوت والقمر
لما إنت يا زين صرت بجنبنا
......................
شوف البنفسج مال عم يهمس حكي
والجوري والنسرين عا إمو تكي
حتى بواب البيت شفتا ملبكي
ضحكت اليوم ورحبت بضيوفنا
..........................
يا ظريف الطول سبحان الخلق
خد وعنق وجبين من نور الفلق
وعيونك الحلوين يا عرق الحبق
صورة شمس تشرين تضوي بأرضنا
.....................................................
ملك محمود الأصفر
سوريا
ليست هناك تعليقات:
إرسال تعليق