بشعر العامية المصرية .
( كرهت كلمة رحيل )
بلسان امرأة .
كرهت كلمة رحيل .. كرهت كلمة سفر
وتعبت لما الأصيل .. ترك بلادنا وهجر
يا حبيبي زاد البعد من همى وجرح ذاتي
غير معاني الحب وآلمني ودبل حياتي
الوحده أصلا صعبه .. هوا انتا فاكر إيه
والغربه سايبه القلب .. في حاله شكلها إيه
مراسيل كتير وكتير
وسفير بيجيب سفير
والرد كله خطير
والوعد كله سراب
خايفه عليك لتطير
مني وانا بغير
لو حتى لابسه حرير
من لمة الأغراب
قلبك قسا كدا ليه والقسوه منك حجر
ولا شفت منك غير الضنى وكتر السهر
تعالى تعالي تعالي
كفايه علينا طلتك
تعالى تعالى تعالي
كفايه علينا عشرتك
تعالى تعالى تعالى
كفايه علينا الأماني
وريحة الورد ف سكتك
كفايه تجينا من تاني
تنور بيتنا بضحكتك
كفايه علينا التهاني
لما تنوي عودتك
كفايه تجيلنا ثواني
كفايه علينا بسمتك
كفايه لو مره نعاني
نحلم بروحنا ف جنتك
آه .. آه .. وألف آه ... آه آه يا زمن
آه .. آه .. وألف آه ... آه من حرقة الألم
آه .. آه .. لما الحنين يتوه في سكة الندم
آه .. آه .. لما السليم يبات يدور عالعشم
آه .. آه .. لما تروح من بين إيديا يا بطل
آه .. آه .. لما تقول راجع ليكي و لا حصل
اه .. آه .. لما أفوق أسمع كلمة دا وصل
-------------------------------
بقلم د / عبد الرحمن فتحي الحناوي .
من مصر .
ليست هناك تعليقات:
إرسال تعليق