الصمت وحسن الخلق
$$$$$$$$$$$$$$$
أمسك لسانك وصونه
ح يبقي أكبر مكاسبك
د اللى النهارده تخونه
ربك عليه ح يحاسبك
$$$$$$$$$$$
لسانك يا صاحبي حصانك
ممكن يسبب ف جرحك
فالآخرة يخرس لسانك
وتنطق باقى جوارحك
$$$$$$$$$$$$
ياللى تخاف من الخيانة
حافظ ع عرض جارتك
مادمت ماشى ب أمانة
الناس ح تحلف ب سيرتك
$$$$$$$$$$$$
أحفظ لسانك ولا تسب
تملى الخلايق تودك
لا ف حفرة ممكن تطب
ما تلقى واحد يشدك
&&&&&&&&&
أمشى طريق المسالك
تلاقى فيها نجاتك
وتحفظ عرضك ومالك
وربك يقضى حاجاتك
$$$$$$$$$$$
الصمت أحسن دوا
لا تقولى مال ولا جاه
لو كلب مره عوا
ب الصمت تتحاشاه
$$$$$$$$$$
دايما ف التأنى سلامة
فكر وركز في الكلام
عمرك ماتحس بندامه
ولا يصيبك منها سهام
$$$$$$$$$$$
خلى كلامك صحيح
تعلى ب إيدك مقامك
وعيش حياتك صريح
ترتاح لو حتى منامك
$$$$$$$$$$
أمشى طريق النور
الآخرة تبقى سعادة
وأوعى شهادة الزور
ح تبقي من الساده
ليست هناك تعليقات:
إرسال تعليق