عيال
كنا صغيرين
لسانا عيال
وفي الدنيا طايحين
ومش مفكرين في أي حال
كل حاجه بالنسبالنا لعب ومطنشين
نصيحة الأب والجد والعم والخال
وفي بكره والمستقبل مش مفكرين
عايشين وكائننا في عالم من الخيال
فكرنا خيالي ومش فاهمين
لسانا صغار عقلنا عقل عيال
وصاحبي ربيع ابو حسين
وكام واحد من عيال الجيران
ومعاهم واحد إسمه جمال
كان طيب قوي بس ديمه حزين
ماتعرف مريض ولا مشغول البال
كنا نقوله إضحك وإلعب ياحزين
إحنا لسه عيال والعمر قدامنا طويل
ولما كان يشوفه عمي فلان
راجل عجوز حاضر كام جيل
كان يقوله ياولدي لساك
علي الهموم سنك قليل
عيش حياتك وبلاش علي قطر الشيبه تطير
هييجي يوم وتحن للأيام الطفوله وإنت عليل
وقتها هاتحس إنك ظلمت نفسك وإنت صغير
إلعب وإتنطط وإنبسط وسط العيال
ياريتني بقيت طول عمري صغير
وياريت يرجع بيا الزمان
وأعمل تاني من الورق فرافير
خلاص ياجد ضيعتلنا اليوم في إللي كان
وأيام من عمرنا فاتت كتير
سيبنا نلعب ونعشلنا يومين لسانا عيال
ولما نكبر الدنيا هاتعمل في عقلنا تغيير
وتشكله علي هوي الأيام
وإكتافنا ياما هاتشيل أحمال
ونقول كبرنا بعد ماكنا عيال
وقطر الشيبه هايعدي علينا
وكلنا هانبقي علي ده الحال
عايشين علي ذكرة أيام زمان
ليست هناك تعليقات:
إرسال تعليق