اكتب ياشاعر
اكتب ياشاعر وقول عن اللي شايفه من بعيد
اشرح حال البلد اظهر الحق اتكلم في المفيد
الشاعر خايف يتكلم احسن يروح في حديد
خايف يقول الحقيقة وخايف يعيش في تهديد
واتنفض الشاعر صرخ بصوت كله رعديد
قال ابويا علمني اقول الحق لو اموت شهيد
راح اقول عن اللي شايفه مهما كان الوعيد
بس محتارابتدي منين والبلوي عماله تزيد
دموع حزاني الكل عمال يصرخ مش سعيد
الكل عايش هنا بغيرمشاعر ميت الحس بليد
فاقد الامل ومعتش مستني اي شئ هنا جديد
شايف ناس بتاجرفي جثثنا بلا دموع اوتنهيد
دكتور مشترك بجريمة نقل اعضاء مريض
اب بيبيع اولاده في سوق النخاسه و العبيد
ام بتسيب ضناها عشان تسافر وتروح بعيد
ناس مطرودة وناس مستغلة عاوزة تستفيد
حقوق ضايعه وسرطان اتفشي مكنش حميد
الشاعر مدحت فضل
ليست هناك تعليقات:
إرسال تعليق