ناس كتيرة ...
ناس كتيرة وثقت فيهم
طلعوا مش قد الثقة
واللى قلتوا كتير عليهم
من النهاردة خلاص بقى .....................
من النهاردة حياتى غير
هاسعى فيها لكل خير
واللى جه عليا يوم
راح اعامله بكل فير .....................
راح اعامله بكل حب
واللى محتاجلى اروحله
عشان انا بس عندى قلب
واللى موجود فيه ببوحله ......................
صعب جدا
صعب جدا ابقى خاين
او فى يوم ابيع صديق
كل واحد اصله باين
واللى بيبين طريق ..............
عاشرت ياما اصحاب تمام
وعرفت ناس بتوع كلام
اللى بيقرب حبيبي
واللى بيبعد له الاحترام .........
ووفيت كتير واديت كتير
ومشيت طريق مفروش حرير
وواحدة واحدة كله بان
وماشوفتش منهم اى خير ..............
بس فى ناس غاليه عندى
هما دول اغلى ماعندى
خدت منهم المحبه
واديتهم انا حبى وودى ...................
ناس ماقبلتهاش كتير
بس قلبهم كبير
القعدة معاهم مره واحدة
كانك تعرف كتير ...................
ناس عشرتهم تدوم
تسال عنهم كل يوم
معرفتهم دول كنوز
دول ينسوك الهموم .......................
ناس فى الشدة تلاقيهم
بيخلوك تخاف عليهم
وناس قلبك بيحس بيهم
دول معانا كل يوم ......................
ناس كتيرة .
ليست هناك تعليقات:
إرسال تعليق