انا لوحدى
بقلم الشاعر
محمد تريكة تريكة
انا لوحدى
و عايش دنيتى براحتى
تعدى سنين تمر سنين
وانا عايش بدور فيها
على راحتى ..................
انا حنين وقلبى ابيض
لا عمرى اسيت على غاليين
ولا زعلتهم منى
وبزعل من اللى مش عاجبه
صراحتى ....................
انا طيب بحب الخير
وبفرح قوى لفرح الغير
بساعد اللى محتاجنى
وعمرى مابصيت فى يوم
تحتى ........................
بحب الناس انا حساس
وبعشق جدا الاخلاص
وحب الناس اكيد نعمه
وعمرى ماصاحبت حد
لمصلحتى ....................
بسيط جدا عزيز النفس
وباى حد غيرى بحس
ولو فرحان ولو زعلان
ولو مش لايق عليك اللبس
بعتبرك اخويا واعتبرك
اختى ....................
انا صحابى فى كل مكان
وعندى من الفرح فدان
وبعرف انا اشكال والوان
وعمرى ماكرهت يوم
بختى ........................
تحياتى
محمد تريكة تريكة
انا لوحدى
ليست هناك تعليقات:
إرسال تعليق