انسيني
...........
إياك تنشغلي بيا وتحبيني
وتفكري فيا مش هتلاقيني
اللي كنت في خيالك
وبتتمنيه لأيامك انسيني
انا العمر مني راح
انا ذكرى عذاب وجراح
وجرح لا بيهدى ويرتاح
طول عمر الزمان معاديني
انسيني
لو القدر بينا رحيم
كنا اتقابنا من زمان
القلب كان اخضر سليم
لنجرح ولا داق حرمان
شجر الود عالشط ورد
ومراكب الأمل كانت بتجيني
جت موجه جزر ومد
شدت عمري لبحر أنيني
انسينى
صبحت هى دي حياتي
عايش فيها من سنين
لولا حبك في حياتي
انا كنت هعيش لمين
كنت بشوفك في أحلامي
نجمة من السما تجيني
لما غابت راحت أيامي
ضاعت مني أحلى سنيني
انسيني
........
بقلم.الشاعر
الأمير _محمود
ليست هناك تعليقات:
إرسال تعليق