ألوان الحياة (453)
................
كمل جميلك وإنسى حلم جمعني بيك
ولك عليا ما أحن لك
وأضعف وأجيك
وهوصي قلبي وأفهمه
ده ما كانش ليك
هيداري شوقه إن فكره
ويلغي دقه ويخسره
ولو بأيدي هكسره
ما أندم عليه
لا عيون هتسكنها الدموع ولا هشكي حالي
ما مسحت جدران ذكريات ألبومي خالي
وهعيش أدور عالأمان
مع فجر بكره
وأنسى اللي كان غامض زمان لا لون وذكرى
ما دفنت وجعي والجراح
ولا عدت فاكرة
ووداع يا حزن خدت أيه
في أحضانه شاردة
وفقدت إحساس بالحياة
ولاعدت وردة
وكسرت سجن عشت فيه جدرانه باردة
جوايا هروي نسيم أمل
بالحب فاردة
وأغزل فى ألوان الحياة
فرحه النهاردة
بقلم .. صبري رسلان
ليست هناك تعليقات:
إرسال تعليق