حاجات مشغول بيها
.....................
حاجات كتير مشغول بيها
مش عارف إيه هي
أروح أدور وأسأل عليها
يمكن تكون قدام عينيا
هي حقيقة ولا سراب
ليل نهار بفكر فيها
الدنيا حواليا غيم وضباب
أبيات مش حاسس معانيها
ناسيها ومش على البال
دموع سالت على الخد
الحنين يخدني أغنيها موال
ذكرى يصحيها نار الوجد
صبحت بين اللوعة والأنين
حاجات الأقيني بفكر فيها
بعد ما فاتت ومرت السنين
تمر على الخاطر ومستنيها
بقيت كدا فى دوامة
فى بحر مالوش شط
متعلق فالهوا زى اليمامة
رماني الموج بجزيرة مافيهاش حد
سفينتي جنح بيها الريح
ضاعت معاها طموح وأحلام
القلب مكسور الجناح وجريح
الأمال م اليأس مين يحيها
.....
بقلم.. الشاعر
الأمير _محمود
ليست هناك تعليقات:
إرسال تعليق