..(ضحيتي بمين)..
ضحيتي بمين علشان مين
وعشان تعملي تاج راسك مين
ضحيتي بناس الحب أساس
مليين الكاس إخلاص وحنين
رسمينك ماس فى قلوب الناس
زارعينك فل مع الياسمين
ياست الكل يازارعة فل
ياشمس تطل على الغاليين
ياعيون ماتهون لو حتى تخون
كل مافى الكون بعدك غايبين
لوصبحك راح القلب جراح
إزاى ارتاح والقلب حزين
يانهار معسول موصول
بالليل والويل بأنين
ياعيون بتقول علطول مجهول
وانا فى المجهول مقسوم نصين
نص معاك والتاني يتوه ويا التايهين
ضحيتي بمين علشان مين
ضحيتي بغرام وﻻ فى الأحلام
هتشوفي صباحه مع الصابحين
ونسيتي زمان وعمايله زمان
خلاكي إزاى من غير أحزان
وعمل لك تاج وسط الحلوين
وزرع لك دين بحيائه متين
ليه ترضي تكوني مع الضالين
ياأرق غزال كان كونك مال
وقالولنا إتقال
إن إنت ملاك على إيد مسكين
لو ناسيه خلاص إفتحي كراس
واقرئ باخلاص وبكل حواس
إزاى خلاك ملاك في الحين
وبقيتي بدين وبعزة ولين
وبعقل أمين على كل أمين
ضحيتي بمين علشان مين
علشان المال كم واحد قال
المال زايل واحنا الباقيين
وان بكره يدوم هتعيشي كم يوم
كلنا أموات وسط الحيين
علشان أحلام وكتير أوهام
ميت سنه قدام
تصحي من النوم مع التايهين
علشان عقارات ماكفايه حماقات
الحب يدوم همه الزايلين
وانت تطولي ماتقولي قولي
كم واحد كان للحب أمين
والناس كانوا فين وحنانهم فين
لما انت سنين مع الضايعين
كان فين الناس لما الوسواس
سكن الشرايين
ضحيتي بمين علشان مين
ضحيتي بحبيب وﻻلحظه يغيب
وقت الحاجه تلاقيه جناحين
وسنين وسنين يقتل شياطين
علشان تبقي صالحه ولك دين
فى الجنه تعيشي مع الآمنين
وانت بقرار سبتيه فى النار
يشرب م الهم وياكل طين
ياصباح مجروح أنا هنا مدبوح
وانت هناك بتلاقي معين
وياليل محتار م الدار للنار
ومرار فى مرار بقى فى التكوين
محتاج عمرين أيام وسنين
عمر معاك والتاني اكمل به م الحين
ضحيتي بمين علشان مين
وعملتي تاج راسك مين
………. (شعر)……… .
ليست هناك تعليقات:
إرسال تعليق