قبل وبعد الجواز
قبل الجواز
قبل الجواز تلقى البنات
متسبسبة
ومتذوقة وآخر حلاوة
عايقة وبصه لنفسها
ولوزنها مدندشة
وموردة واخر نضارة
وده كريم شعر وده وش
وده شامبو
ولسيون لزوم النظافة
مهتمة بالتفاصيل مش
سايب حاجة
للظروف قمة في العياقة
وفي لبسها رقة وذوق
مانيكان متألقة
ومنورة وآخر شياكة
والضحكة تطلع عالية
حلوة ملعلعة من
الانبساط والسعادة
غزالة في خطوتها في
قمة نشاطها
حيوية وخفة ورشاقة
بعد الجواز
بعد الجواز تلقى البنات
منعكشة
ومدهولة وآخر وحاشة
سابت العياقة وفشكلت
وزاد وزنها جدا
واخدت فى الزيادة
والشعر بعد مكان مسبسب
بقي ملبك
لا أهتمام ولا عناية
وفي لبسها أصبحت منعكشة
ومهملة
وبقىت الهرجل عادة
والضحكة بقت خافتة
وأصبحت مهمومة
عالطول وزعلانة
تلاقيها ماشية مكحكحة
شمعة انطفى
نورها وراحت النضارة
بنتى العزيزة
بنتى العزيزة ليه كده
حبي نفسك بجد
واسعديها بالعناية
وأهتمى بمظهرك ومنظرك
ومخبرك أتولي
نفسك بالرعاية
كوني جميلة في عينك
قبل عين غيرك
كوني آية في الاناقة
لان الجمال والدلال والرقة
و الدلع أنثى
خليكي للجمال آية
ليست هناك تعليقات:
إرسال تعليق