خفافيش السلام
كلمات حموده دهمان
خفافيش السلام
بدلوا كلمة سلام
يعني الدفاع عن الحق
علينا حرام
واغتصاب أرضنا
حلال للئام
يعني موتنا ودمنا
عادي وتمام
وجرح واحد منهم
ارهاب انسان
يعني يخطفوا صبحنا
بالنبال
ونضرب ليهم تعظيم
سلام
ولو حاولنا نعترض
ونقول حرام
نبقى احنا ولاد حرام
يعني يقصفوا وردنا
بسن السهام
ومطلوب مننا نجهز
الدفنه والاكفان
يعني تنتهك مقدساتنا
بالجزام
واحنا نشجب وندين ونندد
ونلطم على خدودنا
بلقلام
يعني ياخدوا قوتنا
وزرعنا والامان
واحنا نجوع ونستخبى
ونقول
الحمدلله على الامن
و الصيام
يعني يهجروا اهلنا
من المكان
ومطلوب مننا نجهز
الخيام
يعني يغتصبوا عرضنا
قدام الاعلام
ونمسح دموعنا ف
الأكمام
يعني يفجروا بيوتنا
بالبراميل والنابال
وبسيطه خالص
لو مات منا كام واحد
تحت
الركام
يعني يشنقوا حلمنا
قدام عيونا بالحبال
ونقول عادي دي كانت
اضغاس
احلام
يعني يكبلوا صوتنا
يا يحبسونا ف قفص
زي الحمام
يا إما
نفرح أنهم ريحونا
من الكلام
يعني السلام في رآييهم
ليهم أمان
وبالنسبة لنا سكوت
ليست هناك تعليقات:
إرسال تعليق