علمونا
🌺🌺🌺
اعتقد ان هذه الكلمات لن تروق لأصدقائي لأنها اسلوب جديد بالنسبه لكتاباتي ولكنها مجرد خواطر عابره وباب إبداء الرأي والحوار بيني واصدقائي مفتوح للنقاش***
🌺🌺🌺🌺🌺
علمونا وأحنا صغار
علمونا في البداية
حروف النداء
وعلمونا حروف الهجاء
وايه معني التمني
وايه معني الرجاء
علمونا ازاي نقرأ
وازاي نرتل القرأن
وعلمونا أزاي نصلي
ونسبح الرحمن
علمونا الصدق
وايه معني الوفاء
علمونا لا تخاف ولانكذب
علمونا قول الحق
واللي يزعل يطق
علمونا أيه معني الحوار
نتناقش
نتحاور
ونحترم الكبار
علمونا معني الحب والصداقة
ومعني قيمة الوفاء
والعهد دايما حق
أمام الرحمن
بس النهارده كل شئ اتغير
بنعيش زمن بحير
الأخ يقتل أخته
يقتل اخوه
والأبن يقتل أمه
يقتل ابوه
والصديق للعهد غدار
حتي الحب
ينتهي بالغدر
في أول المشوار
وبقيينا عايشين
من ضياع لضياع
كل شئ
كل شئ بيتغير
بقينا عايشين
في زمان يحير
بعد ما كل شئ فينا اتغير
علي فين يادنيا واخدانا
يارب يارب نجينا***
نجينا وخليك دايما معانا***
Taha Elgendy
بقلمي
ليست هناك تعليقات:
إرسال تعليق