قصيدة بعنوان
(أنا مين؟؟؟؟؟!)
أنا مين.
أنا راجل من الفقرا
عايشها ولا الضالين.
بجبها شمال مش نافعه
واجيبها يمين.
أنا مسلم وموحد
ولي دين.
وكتابي هو قرآني وكلكم
عارفين ورسولي محمد
ابن عبد الله صلاة الزين.
حبيت أيوة حبيت.
أنا بضحك وإل زيي يحب.
أقولها مية مرة أسفين.
وبقدم ليكم إعتذاري.
لل في الموضوع شكين.
وإزاي نحب
وإحنا لا عارفين
نهرش ولا فايكين.
الرزقه يدوب على الكد
بنتعب وبنعافر وبنشقى
ومش طاليين.
وياريت للأمرا عاجبين.
تركنا الأهل والأوطان
وأصحاب وعيشه كانت فل
مع ياسمين.
وبقى لنا تلاتين سنه
غايبين وفي الغربه
طافحين الكوته عشان
نكب على وش الميه.
لا شفنا حد شايفنا ولا
في الصوره واضحين
والحال على دا الحال
لا أتقدم بل أتأخر.
وللورا راجعين.
قالوا استغفر وارضى بالي
متقدر وكاتبه عليك ربك.
الناس طبقات وكلنا
خلقنا من طين.........
تحياتي ليكم وللظالم.
وللظالمين............
أنا واحد ماينعدش.
وخارج الحسبه
ودي صورتي في أخر النص
بشحمي ولحمي بملامح
محتاجه تفوق بتتغير
عن كل يوم للأسوأ.
بصرخ جواي بصوت مكتوم.
وبنادي بأعلى الصوت
صدى صوتي بيرجع لي
من وسط سراب
وإن سمعوا ينفضوا ودانهم.
أو يقولولنا مش فاضيين.
ورانا أشغالنا متراكمه.
على روسنا كأنهم جبلين.
أنا مين أنا نفسي
مش عارفيني.
أنا المهمش أنا الموجود
على الأرض أنا جيت
غلطة ولا محسوب
على دنيا بشوف نفسي
في مرايه مكسوره.
مشروخه ومفوض أمري
لله ماهو أدرى بعبيده.
وصاحب العدل.
ومش محتاج عشان
يوزن ميزانين.
أنا مين أنا الساكت
أنا الأخرص أنا المهلوك.
أنا المقهور منكم ومن
حالي أنا المضروب
بكرباجكم على
جنبين ياريت تكونوا
عرفتوني أنا أبقى
مين...................
4/11/2022
(ترنيمات وخواطر.بقلم.........)
ليست هناك تعليقات:
إرسال تعليق