احبها حبا من القلب والعقل
وقابلته بالمثل
دارت رحى الحرب ....
تمت دعوته لخدمة الاحتياط
اهدته زجاجة عطر صغيره
للذكرى
ذهب ليخدم ....
وبعد فتره تم اسره
لكنه احتفظ بزجاجة العطر
من شدة حبه لها
بعد 9 سنوات انطفأت لضى الحرب اللعينه
عاد الى الوطن ........
وجد من احبها قد تزوجت وانجبت.
ومن سوء حظه انها قد جاورته
وحين قابلها رفضت مقابلته وكأنها لم تعرفه اطلاقا....ولسان حاله كأنه يقول.....
******
حن مرّه مر
♥♥♥♥♥
حن مرّه مر
مو ندّن ورود الحمر
حن مرّه مر
مو تركض سنين العمر
بذات.....
بتّين الگلب
بت بس الك
وبالثاني روحي معلّگه وتلهب جمر
ما تذكر ايام الزغر
نلعب حبل......نطفر طفر
وبفيّ كواسر بيتنه نغنّي الظهر
نخل السماوه يگول طرّتني السمر.......
ومن نسبح بگيش النهر
تتولّه رگيتي شَمر
وصبيان وبماي العروس. 1
انّغط تلاشيني حَدر
بلهفه....
وتگول شلون وك ماظل صبر
وسنطه.......وحدر سوباط ناصي انذوب واسبگنه العمر
ونسمع وحيده تغني حب....خل نفرش الشاطي رمل
وبهيده انه وخلّي انتسامر والگمر شاهد يطر
وما تذكر....شصار امن اهلنه سافروا والدار ظل يصفر صفر
وگالوا ......
هذوله زغار صوغتهم شذر
وتعرگ.....
تشاورني غفل....
ابحضنك دفو
وبالوجنه اشوفن صورتي
وسنونك يلجّن وفر
وارجع....
اوصفنّك حلووووو....طولك شطب
والعين ليره وطيّب وابيض گلب
وبين الحواجب.... هيده
صفنة ماي لم شمع الخضر
ونرجف......
زهور حسين من شب طولنه اتغني وتجر....
هذا الحلو كاتلني
من دون السُمر
ولك.......
وتحلفلي.....
احب زفة العرس...والتينه منگوره نگر
وگلب امّي....
والشاطي...
وعسل گنطار والگيمر فجر
وهيل العطر...وي خبزة العباس وي ﭴاي العصر
تذكر............
يجينه العيد صعب الليل
ونتاني الفجر
والفرجه....والعيديه والحنّه
وابو الفرّار ابفرّاره يفر
شنه انت بذات وتصد?? ????
شنه انت ناسي وما تمرّ?? ??
دگ بابي وك دگ بابي سنطه بلا عَتب....بيدي امسح دموع الهجر
تلگاني شايل صوغتك
حرز ابجِلد....حاسبهه مو شيشة عطر
ولك.....
ايّوب صبره وگوف الك زدته وسهر
مر بيه مابيه انتظر
سايم عليك الله تمرّ
سايم عليك الله تمرّ
حن مره مر...
******
ليست هناك تعليقات:
إرسال تعليق