/ ااالميزان ااالميزان
-----------------------/
(غوانيات)
(زجل)
من قلبي طلعت زفرة زفرة
واصبرت قلت الصبر دوايا
حطيت حاجتي و انسيت.!
حطيت حاجتي وامشيت.!
هاجرت مرغوم
والهجر اصعيب
من جربو مرة
ايقول :
من عيني هبطت..........دمعة
صبت في واد يجري مجراه
يا صاح.!
يا صاح.!
ويلي إلى اتبدل.. الحال راح.!
العز المجد فينا يرجع اجراح.!
*من لا حني لوحة بلا احدود؟
واش انا اعدو و لا اصديق؟
واللٌا قشة......جابتني حملة.!
احصلت بين جذور شجرة
مالي جاه مالي مركز بينهم
مالي قوة صنديد
ولا حكمة لقمان
مانا زين.....يفتن
والزين زين يوسف
مانا تاجر اذهب
يملك مال قااارون
يا صاح.!
يا صاح.!
غازل ليام الماضية.!
راه النايحة ماشية.!
* يا رفيق الدنيا مالي افراق معاك.!
ماني كافر.......قلبو اكحل
ولا شيطان حافظ الربعة
ماني بياع ايبيع ااسرارنا
ولا سحار يخدع بسحور
مالكم؟
مالكم؟
لهوى اللٌي....جا يلعب بكم
لا اتنطقوا باحروف كاذبة
* لوجه يعكس كل ما اخفات لقلوب.!
اه يا نورية اتدور بلا مياه.!
حرب قاسية تطحن الناس.!
لا رحمة لا شفقة لا امحنة.!
وا الميزان الميزان....اعبر اذنوبنا.!
وا الميزان الميزان اعبر حسناتنا.!
يا ليام يا ليام.........فين صادة.؟
مال اسنان المشطة ما امقادة.؟
هدموا هدموا ما ابنيتوه.!
خليوا ادياركم كلها رايبة.!
(الرجوع لله راكم غالطين.!)
العابد عبد الرحيم : 02/03/12/2021
ليست هناك تعليقات:
إرسال تعليق