كون راجل ...
بقلم: حميد النكادي
عطات ريحتكم
مزفرة نتينه
حسبناكم رجال
من طينة زوينه
كنتو كل صباح
بالورد ؤ الزهر
ؤ كلام معسول
تْصَبْحو علينا
واليوم طلع النهار
بانت المعنى
صدق الدغل فيكم
بديتو أطَّعْنو فينا
على جال الوطن
والله لا فَرَّقتونا
شعارات "طاوا طاوا"
خَلِّيوْها عندكم
ها العار قيلونا
انا يضرني الحال
كي واحد
حسبناه مَنَّا
داير اليد معاهم
بارك يشمت فينا
العين بالعين
والسن بالسن
والدواير دُّور
على الظالم فينا
ياك ما بغيتو
نسكتو ليهم
يديرو ما بغاو بنا
الأرض ارضنا
ؤ حنا مَّاليها
ؤ لي قال
لعصيدة باردة
إيدير يَدّو فيها ...
فرنسا 26/7/2022
ليست هناك تعليقات:
إرسال تعليق