قصيدة .
______(جيل المستقبل )
____________
أصل أنا نونو ولسه صغير .
خايف من زمني لا يتغير ..
ساعة مااكبر أتوه ف الزحمة و
مالقاش لييا وجود ف مكان ..
أحنا ف عالم مافهوش رحمة و
لا يعرف معنى الأنسان !!
نفسي لما اروح مدرستي .
أبقى تملي سعيد فرحان ...
مبقاش علشان لوني متغير .
لا ألاقي كرسي ولا عنوان !!!!
ساعة جرس الصبح مايضرب .
أشوف الكل بيدي تمام ..
متوفره لينا كراسينا .و
تبقى حقيقة كدة الاحلام ...
يهتموا كمان ف الصحة بينا .
علشان تسبق خطاوينا الايام ....
لا نلاقي سرطان ولا جدري .
ولا سما مش مليانه حمام !!!!!
نفسنا أحنا جيل المستقبل .
يكون ضامن لينا رغيف العيش ..
لا جوع ولا خوف يحاصرنا .
ولا يغتلنا رصاصة طيش ...
الكلمة تصبح من راسنا .
زيتنا ف دقيقنا ونعيش ....
نرجع زي ماكنا زمان .
سلة غلال وحرير مش خيش !!!!!
نفرد للدنيا جناحتنا .و
نحصل كل اللي سبقنا ..
ننسى الماضي مع خلافتنا ...و
ف بحر الخير نرمي شباكنا ....
بالإيد ف الأيد . خيرنا حيزيد ..
حنبان بأجمل توب جديد ...
لافيه غريمات ولا تبديد ....
حنلاقي شموع أفراحنا تأيد .....
...لا حنزعل ولا نتحير ...
....ولا حد من التاني حيأير ....
.....أصل أنا نونو ولسه صغير .....
......خايف من زمني لا يتغير ......
بقلم /السيد حسن .
ليست هناك تعليقات:
إرسال تعليق