كل اللى فات
...................
كل اللى فات اتنسي
والحلو عدى وراح
تاهت ليالى الفرح
واتلونت بجراح
حتى القلوب الصافيه
ماشيه ومش عارفه
فين طريق الفرح
والحب والبسمه
راح فين زمن الموده
كانت الطباع عنوان
ساكنه قلوب الناس
فرحه وود كمان
طيبه وشهامه وامل
كان فى البشر انسان
من يوم ما غاب القمر
وبطلوا العشاق
يشكوا الولع للقمر
والحب والاشواق
لاعدنا زمنا زمن
ولا ناسنا هى الناس
زمن المحبه اختفى
طرح الشجر اشجان
حتى غصون الورد
تركت البستان
ماعدشى ليها سكن
ولا عاد مكانها مكان
على شحاته سليم
ليست هناك تعليقات:
إرسال تعليق