10
اللي باع مين يشتريه
ــــــــــــــــــــ
ـــــــــــــــــــــ
مش هقولك حاجه تاني
مش هسيبك تخدعيني
۞
مش هخاصم أو أعاني
أو هغمض طرف عيني
۞
مش هنظم في المعاني
وأقعد أتغنى بأنيني
۞
مش هضفر ف الأماني
وأزين الآتي بحنيني
۞
مش هدلل فيكي تاني
ولحظة الرغبة تخونيني
۞
وتبقى لحظة نشوه عابره
مش أد إنك تخدعيني
۞
بتشتهيها ؟؟؟؟ إشتهيها
رغم إن الذل فيها
ورغم إني معترض
دايما عليها
وإن بيها هتجرحيني
۞
أنت قولتي .....
ولما قولتي قولتلك
ان الأماني الغابره جابره
إن المهانه تشكلك
۞
أوعي الغناوي والفتاوي
واللي جي يقللك
۞
أوعي لحظة ضعف تيجي
وسط هوجه لتقتلك
۞
خافي وهم تعيشي فيه
عن حقيقتي يضللك
۞
وأن كنت مش غاويه الكلام
ولا إن نصحي يحولك
۞
وبرضه مش ناويه السلام
على إني هفضل أدللك
۞
وأنك ومهمن تجرحيني
وتهيني نفسك وتهنيني
قلبي لكياني ينولك
۞
إوعاكي لحظه تقرري
إنك بغيري هتقدري
ولحظة الغدر تلاقيني
۞
أو بعد نزوه تفكري
ولو وقعتي هتناديني
۞
وإنك تتوهي وتخسري
وبحبل إخلاصي تجيبيني
۞
والفعل ذاته تكرري
وترجعي تاني تبعيني
۞
ياللي بعتي
اللي باع مين يشتريه
۞
واللي يختار الضياع
مين اللي هيدور عليه
۞
واللي بيهين الكرامه
لجل رغبه يبقى إيه
۞
واللي بتسوقه إبتسامه
م اللي بيخزوق عنيه
۞
يبقى فيه مليون علامه
إنه هيبيع اللي ليه
۞
وتبقى ليه تاني الملامه
دا اللي باع مين يشتريه
۞
ليست هناك تعليقات:
إرسال تعليق