،،،،،،،،،(أم الشهيد)،،،،،،،،،
لسه ريحتك في البيادة
فيها دمك دم سادة
فيها روحك بالقلادة
فخر بلدك كل مادة
مهما غبت أو بعدت
لسه شيفاك في الولاد
اللي حب مصر ذاد
في القلوب أصبح عماد
والمسافر والمعافر كان حداد
في القلوب ليها الوداد
مصر للأرواح عباده
شعب عشقه لوطنه عادة
في الوريد ليها السيادة
وانت إبني وبشهادة
حته مني وفيها ذوبت
فخر لينا انك حاربت
الدموع مش حزن لكن
لماتسألني الأماكن
فينك إنت ولسه ساكن
بقول لهم مافي يوم هربت
إبني عمره ماكان جبان
دخلته لها وقت حان
جنته ندهت أوام
أخدته من بين عيان
والجواز كان م الحسان
حتى لو دنيتنا سِيبْت
في القلوب مافي يوم وغِبْت
،،،،،،،،،،،،،،(شعر)،،،،،،،،،،،،
عبد الله السايح
ليست هناك تعليقات:
إرسال تعليق