دار الـقمر في السماء ومعاه النجوم
وعادت شهور السنه تنادي يلا نقوم
الـقمر بيمني الـنجوم بالافراح تدوم
والايام مراكبها بالـعمر تجري وتعوم
شراعها وآخد الـهوا بوشه كل هموم
تتجدد الايام بالاحزان وانا المظلوم
وهلاله بان في السماء شهر الـصوم
استني الامل بالافراح ومافيش نوم
رجـع الحنين والسهر مرحبا بقـدوم
وقراءة القران بالليل وصلاة القيام
ياشهر الصوم افرجها بحق المعدوم
الزينه يلا نعلقها بالخير يارب يدوم
والدنيا اتزينت بفرحه قدوم الصوم
الـكل مستني ساعه الشك والافطار
ماسك بأيدي معلقه الـرز مع الـشبار
وبتنجان مخلل ومعاه كمان الـخيار
فين الفرخه وفين البط فين الـمنبار
فين مرته الـبطه المستويه ع البخار
كمان الحلويات انا عاوزهم بالقنطار
يلا قومي علشان نجهز في السحور
تقومي الليل ووجهك بالـبدر والـنور
قايمه تغسلي حلل وتحضري الفطور
القلق مالي راسك من الـتعب بتدور
ومسحراتى بينادى من بعيد يابدور
قومى صحي الـعيال قبل شق النور
وابويا الحاج بفانوسه الشمع مندور
كل ليله فول مدمس زبادي وسحور
السوق بتنجانه المخلل باللون سفاح
كأنه بلون الياسمين ونواره اهو لاح
الخيار والجزر بينده عليا وانا سواح
انا صايم وشكله جميل يشبه التفاح
الناس زحمه علي الخضره مع الفلّاح
صوت المدفع يضرب ترد له الارواح
المغرب يأذن للفطار حي علي الفلَاح
الآذان الله اكبر سعيد بالعوده واتاح
كأنه نشيد جميل وريحه الاكل فواح
بيجي الضيف بسرعه وبيغادر رواح
هيروح بسرعه اكيد زى غيره ماراح
بعوده يجي تاني وشايل لنا الافراح
ليست هناك تعليقات:
إرسال تعليق