#في_ليلة
#كلمات_ايمن_شتا
في ليلة والقمر سهران
وفي عشاق على سطوحه
لقت شوقي في كل مكان
وقلبي اتنبح بوحه
ناديت قلت بعلو الصوت
تعالى قلب انا بيموت
اتاري صوت مش واصلك
كأني بنادي من غير صوت
كان الدنيا دي فاضية
معدش فيها الا سكوت
....
ونزلت دمعة من عيني
مسحت الدمعة بسنيني
وشهدت القمر تاني
منا يا قلبي وحداني
خلاص قدرتي تنسيني
خلاص حبي بقا ذكري
وهتعيشي خلاص بكرة
وانا راح اموت باحزاني
...
دا لسة الدبلة في ايديا
وصورتك لسة حواليا
اخدتي قلبي كان مليان
ودلوقتي بقا شوية
بقيتي بتلعني الماضي
وفين قلبك ما كان راضي
تعيشي معايا ع الدقة
ما كنتي بتسمعي الدقة
خلاص دلوقتي قال لأ
بقا مشغول ومش فاضي
...
كنتي بتصحي على صوتي
وكنتي تنامي على صوتي
لما كنت اقول الاه
بتنتفضي وبتموتي
بجد برافو ع التمثيل
عرفتي تسبكي الموضوع
بأيداكي قتلتيني
وتنزل من عنيكي دموع
بجد برافو استاذة
وانا عيل ببزازة
بعتي هوايا في ازازة
وانا اشتريت بكل خضوع
...
معدش للقمر عنوان
ولا شايفه في أي مكان
ودي سحابة من الاحزان
خدتني لعالم النسيان
في ليلة والقمر سهران
وفي عشاق على سطوحه
....
ليست هناك تعليقات:
إرسال تعليق