،،،،،،،(ليلة القدر)،،،،،،،،
ليله فيها كل عمري
مهما كان الليل طويل
منحة كانت لينا بدري
بعدصوم يشفي العليل
في الأواخر بس ماادري
زوجي فردي ليل جميل
ربي قال ليكوا وعدي
بالدعاء للجنة طير
أي يوم وخالفتوا عهدي
توبة مكتوبة لأصيل
ع الصراط وبسرعة عدي
جنة تحلا بالخليل
ليلة كل الناس بتجري
بالدعاء تملك كتير
فيها كان قرآننا يضوي
للرسول شايلة الأمين
نوره كان ع الأرض يسري
في القلوب هو الضمير
فيه قانون الحق دُغري
مش لأي شئ يميل
منحة ديما لينا تغري
فيها حقق مستحيل
ليلة واحدة فيها مَهْرِي
بألف شهر يادوب بديل
بيها أصلب كل دهري
بيها جنة من حرير
ربي تبقى كل قدري
يبقى عمري سلسبيل
نفسي أفتح فيها بصري
أنسى بيها أي ويل
ربي إشرح لي صدري
ربي هب لي كل خير
السنين عدتني بدري
والذنوب على ظهري سيل
نفسي أتوب من كل عصري
توبة محتاجها عليل
موعودين والوعد حصري
مسلمين والدين سبيل
،،،،،،،،،(شعر)،،،،،،،،،،،
عبد الله السايح
ليست هناك تعليقات:
إرسال تعليق