===== الدنيا ايه =====
أسألوا أكبر معمر فيها
كيفه مع الدنيا وكيفه لقيها
تلاقوه مابيقدر يجاوب
خلاص عقله نسيها
ياعيني عليك يادنيا
الكل بيحارب فيها
وهيه ولاتستاهل
جناح بعوضه
عند اللي خلقها ونشيها
اهدي ياعم شويه
مخلوق من تراب الارض
وكله منها وليها
اعمل حسابك يوم
فيه الممات للروح
لازم وحتما يجيها
لاتظلم ابدا ف يوم
الظلم ربك ناهيها
ولازم ينصر المظلوم
وكفايه كلامه كافيها
وابعد عن الخطايا
اصل الصغير كبيرة
للي يصر عليها
وابعد نفسك عن شبهه
تحط نفسك فيها
وخالق الناس بالحسن
دا الخلق الرفيع يعليها
واطلب رضي الرحمن
ولكل نعايمه عطيها
واشكر ف كل اوان
وصلي علي هاديها
محمد خير الانام
تنول الشفاعة بيها
بقلمي
صلاح شعبان الفيداوي
القاهرة
١٢/٢/٢٠٢٢
ليست هناك تعليقات:
إرسال تعليق