#انتي____اختارتي
إنتي اختارتي واستكترتي
علينا الفرحه
إنتي حروفك زي خناجر
راشقه بقلبي ودايماً جارحه
انتي تَملي قاسيه وجاحده
وبعض الوقت تكوني مسامحه
إنتي جمعتي مابين الخير وبين الشر
حد برئ وبنفس الوقت حد اِتغر
دايماً ناضجه وشاقه طريقك
وفي لحظه تجيبي حروف الجر
انتي قتلتي كل مافينا
انتي هدمتي بقلبي مدينه
انتي جيبتي عالينا واطينا
كموجة شتا في عز الحر
انتي اختارتي واستكترتي
علينا الفرحه
ب إيدك انتي خلقتي طريق
النار جواه قايده حريق
قتلتي قلب عاشها برئ
وقلبك وحده وبس غريق
فى بحر حروفك المسمومه
المغموسه في سم الموت
طب هوس سكوت
صوتك خارج زي خناجر
عمال ينهش بقلبي وروحي
ايوه ياستي انا شاعر فاجر
وبرمي عليكي كل جروحي
وعامل فيها يعني ضحيه
قولي وعيدي وزيدي بزياده
قولي بيتلكك وقصده يبيع
قولي بياع كتير كالعاده
وممثل بارع وحد فظيع
قولي للعامه وقولي للساده
ملعون جداً قلب ربيع
قلبه خلاص اصبح مهجور
أقصد عُمره والهجر طريقُه
قولي كان عايش وسابك الدور
لحد مايجي وقت حريقُه
قولي دمرني وجاي كالعاده
يرمي عليا الحمل بحاله
قولي دوقني المر ياساده
وصبرت كتير وقولت وماله
بس اوعي تنسي تقولي كمان
انك اخدت قرارك وحدك
قولي للعالم قولتي سلام
قولي اختارتي واستكترتي
علينا الفرحه
قولي لقريب قولي لغريب
هلعن قلبه وعمرى مااسامحه
بقلمي
ليست هناك تعليقات:
إرسال تعليق