أختك و أمي ....بقلم الشاعر صبري رسلان

 أختك و أمي  (413)

.................

أنا سامع ركبك بتخبط  

صواميل بتقول  

عاوزه أتربط 

مالك إنت ومال  

ستات ماشيه   ..

وبنات متزنه ومحتشمه 

كلمه فى حدوته  

جاه  تحرش  

راح تأكل العلقه وتتظبط  

فارد في قلوعك  بتشاكيس    

ولسانك مين قاله  يعاكس  

ولا همك ده كلامك   يجرح  

بأيدين ستاتنا هتتشرح   

سي لأفندي هناك  ..  

قال حريه 

الدور ده عليه المرة  الجايه  

يا لأفندي إتلم وخد بالك  

وإستحي على دمك  ..

شايفينك سايب  متبحتر  

فيه اللي يلمك   ..

أشكالك ثعابين في  طريقنا 

وهنكسر سمك   ...

باللذمه هتقبل تتعاكس  

أختك ولا أمك   ..

وتزيد الطين ألف مبله  

شفناك تتحرش   ..

بأيديك ولسانك  وحواجبك  

كوبي و متكرر      ..

أمثالك بيقولوا حريه  

والجيل إتغير  

خلوه مربوط كده 

في  الشجرة

حريه إتحرر     ..

...  أنا توبت يا ناس  

أستروا  حالي  

وهاتوللي هدومي    ...

أهلك بأيديهم هيجولك  

ويفكوا  حبالك     ..

شوف وصمه عارك  

في نظرهم  

يلعنوا  مين  شالك   ..

وغلطهم كان في التربيه  

ده حصاد أمثالك   ..

ده الغصن المايل  

من صغره 

كان كسروه أمانك   ..

بقلم  ..  صبري رسلان