ضحك الياسمين
......................
عود الياسمين اللى ممدد
عل شيش شباكى
بيمدد على سور بلكونتى
ويبعتلى يوماتى
روايحه اللى بتسعد قلبى
وتسعد اوقاتى
والورد النايم على غصنه
ومغمض عينه
مش شاغله القمر اللى
مزهزه فى سماه بنجومه
بيفتح لخيوط الشمس
ويتشعبط فيها
قايم يتمطع على عوده
ويفتح عينه
والطير النايم فى احضان
بيهز جناحه
بيبعت لجمال الشمس
الشوق والحنيه
وبيعزف الحانه الحلوه
وايامه الجايه
ويغنى لجمال الشمس
ويجدد يومه
الدنيا بترقص فرحانه والطبله فى ايدها
بتزف الضحكه مع البسمه
وتحى جمالها
عطشان القلب اللى اتعود
عالفرحه
يرجع لزمان للطيبه وقلوب
متسامحه
على شحاته سليم
ليست هناك تعليقات:
إرسال تعليق