قلوب بلا أنفاس (410)
..................
الشجره مدت
فى فروعها
وفجأه وقعت من طولها
قالوا ريح لنوه
اللي كسرها
ولا قدروا حمل غصونها
من الهم شالت ولا كلت
من حضنها تدي ما ملت
كات هي أب وأم كمان
ولا جت في مره
لأيد مدت
فيه فرع مال كده على
جنبه راح للحرام
سجنوه بذنبه
والتاني بر وطوع ليها
كان هو أيدها ورجليها
نيجي للبنات عايزه وعايزه وسباق ما بينهم
مين فايزه ..
الكل طمعان فى معاشها
وبيت قديم
بحيطان بايشه
ويا دوب ساترها
وفيه عايشه ..
جاه يوم يحايلوا ويترجوا وبوس أيادي سنين عدوا
مضوها ضامن لطمعهم ومن الديون عبوا وهاجوا
لا فكروا السجن مصيرها
والصدمه هدت موازينها
أنفاسها خرجت ولا ردت
حتى النفس
عاجزه تسدد
هي القلوب
أيه اللي جرالها
بتبيع أصولها وبتموت
يا ١٠٠ خساره على القاسي ما طمرش فيه
ولا قال ربت ..
بقلم .. صبري رسلان
ليست هناك تعليقات:
إرسال تعليق