زجلية مغربية تحت عنوان :
ولاد العز***
ولاد العز
ؤ طز عليك ي لعدو والف طز
يا ل تيذم ملكي ؤ شعبي ؤ بلادي
ؤحنا عارفينك عميل صحا غادي
راك غ تتوهم ؤ قتلك الفز
لسانك لمشوك ربطيه
راه غ تيسيل ؤحسن وصيه
يتحرر من البغض ؤلكره ؤ لخنز
الثالوث المغربي م تقدر عليه
السادس ؤ شعبو ربي ل حاميه
فسير قلب على الرخيص ل عليه تطنز
قالوا انك قادر بنارك تمحيني
ؤ في سوعيات ترد أرضي جمرة ؤتبكيني
والله ي لخردة حتى تولي قط غ تيقفز
دابا تشدك الخلعة فغير شور
متحضر أنا ؤ ف الحكمة علي م تقدر
فبقى غ تتهرنط ؤ تنقز
صافي يا لهبال سالينا
غْبر م عندك قيمة ؤ في سنين ضيعتينا
حلفت حتى تبقى بهيمة ولفات المنغز
ذيك بلا بلا سيرو كولها
تقيناكم ؤ نيشان غاديين نقولوها
راك عديم خاوي ؤساير يدبز
فطز فيك وألف طز
بل طزين ي ل تيهدد اهلي ؤ حدودي
بزاف عليك توصلني فسول تاريخ جدودي
خبيت ؤ م عطى محبة م كنز
رزقو ضيعو على ذاك البوهالي
عييتي م تطير ؤ م ربحتي والو ي جيلالي
سول أمغالة ؤولاد الرجلة والعز
فطز فيك يا لعدو وألف طز
أنا المغربي ولد الحضارة والعز
حشم أصاحبي راك خبيث
بل قل مصندل ؤف الشر عفريت
تخلق ليفترس ؤيحيا بزز
طز فيك وألف طز
***الزجال والشاعر: أحمد الكندودي***المغرب***
ليست هناك تعليقات:
إرسال تعليق