/////////****ارسالة زهرات****/////////
صليو على زين البشرة
صليو على رسول الخلاق
مول لمدينة قبة الخضرة
من اسرى به الزين البوراق
امي ويخاطب بالقرءان
شارح لي صدري بسر سلام
في دينو عرفنا لطمئنان
في عشقو تعلمنا الاسلام
منبع الرحمة داك المبعوث
بوالقاسم داك ساكن طيبة
ف القلب شفيعنا منحوث
من اهجر مكة لحبيبة
بو الزهراء زينة كل لبنات
انبي الامة جد الحسنين
بصلاتو ارسالة زهرات
بيها ياك جانا هذا دين
الفت بمحبة كل لقلوب
بالسنة سيادي وداك لكتاب
في محبة سيدي لقلوب ذوب
امنوا به سيادي شلى حباب
داك من للاسلام دار لوثاق
دار الساس ياك تبث لوثاد
في ديك الثربة تعبد الباق
وصلات رسالة وبلى عناد
صليو معايا على الهادي
يالعارفين قيمة سيد رسول
طلبو يحفظ حامي بلادي
مول الشان العالي المقبول
بكلام الباري ياك نرقى
وتزيد لمحبة تكبر وتزيد
والله بالسنة ما نشقى
لابدة ما يتكسر القيد
ف صلاتك مولاي شلى معاني
ربي ربي زين كلامي
وانا طريقي صفا رباني
بلغني اسرار حلامي
بقلم صقر الحروف الزجال المحجوب بوسبولة
ليست هناك تعليقات:
إرسال تعليق