الكاتب والشاعر
عبدالواحد العاشور
(تذكار)
تذكار خلني بس على البال تذكار
لاتحتري مرسول مني وزياره
لاتعتقد يرجع من جرب النار
وتلسع بجمر المحبة إبحراره
وشلك بقرب اللي تقول قلبه غدار
ماكنه يحبك ولا ذاق المراره
شمت عذالي وبيحت لسرار
توني عرفت الحب عندك تجاره
إبتعد مثلي ولا تكون محتار
والبعد عن دربك ماهو خساره
تعود على بعدي ان كنت صبار
ولاتعتقد قلبي يغير مساره
وان جيت تذكرني إرثيني بشعار
كني فقيد وتهل دمعك غزاره
لاتعتذر ماتفيدك اليوم أعذار
حيث العفو عندي بعيده دياره
بعاتبك يوم بتجمعنا لقدار
ليست هناك تعليقات:
إرسال تعليق