ياعم يا بتاع الكلام كتر الكلام بيسيب الآم
امسك لسانك خليه حصانك. شد اللجام
مش أي كلمه تقولها والسلام. خليك في حالك تعرف تنام
ريح دماغك وكبر نفوخك. وخلي لسانك تحت طوعك
واوعاك من كلام النميمه والنيه لازما تكون سليمه
خاف من الحساب. الكل راح عند التواب
ماعدش باقي غير كتاب
فيه العمل المكتمل. . وكل حرف في لا يحتمل.
وماعدش في منه أمل مكتوب عند رب العباد
داير تطلع في الأسرار وكل سر وليه حوار
بتفرح وأنت خارب البيوت. ياكش تروح يا شيخ تموت
مش خايف يجيك الموت. وتشوف ساعتها عذاب النار
ماشي تنم في خلق الله. مابتفكرش تستعيد بالله
وتخليك في حالك ترتاح وتريح بالك
شاغل نفسك ليه باللي مايخصكش. هو أنت مابتتعبش
داير تجيب سيره فلان وعلان. دي ماشيه بستر الرحمن
هو العالم بعباده. هو الحنان المنان
يحمينا من شرك بأمره. دايما ماشيه معانا بستره
عينك دايما صايبه الناس. هو أنت إيه يا أخي
معندكش خالص إحساس. أعوذ بالله من الخناس
ماشي ليه ورا شيطانك. ودايما مديلوا ودانك
يغويك تأزينا بلسانك. شيل يا أخي بقى عينك
صباتنا وأذتنا يخربيت سنينك. باصص ليه دايما لغيرك
مش كفايه مستحملينك. نفسي مره ترضي بنصيبك
وتسيب الناس في حالها. خلي ربنا يرضى عليك
وسيبنا في حالنا الله يراضيك
خليها ماشيه بستر الرحمن. يا عم يا بتاع الكلام
خلي كلامك في سلام وبلاش يكون بالالام
كلماتي.....
شاعر الأحزان........
ليست هناك تعليقات:
إرسال تعليق