*****((( أنا ** وليلى)))*****
بحُبِك يا ليلى ليه قَتَلتيني
حَبيت روحِك والقَلِب هَيمان
كثير في حُبِك غَمَرتيني
بَيِك زِعِل من عاشِق وولهان
من يوم ما شُفتِك فَتَنتيني
ياما قَطَعت جبال مع وديان
بَيِك بِقُلِك ليه فَضَحتيني
الغَزًل مِني طاف عالعُربان
تنَدَمت عاشعري أعُذريني
غَلطة وصارَت بالفِعِل نَدمان
إجيت أزورِك ما عَرَفتيني
قالوا بأني راعي للقُطعان
يا ليلى أنت تاج عجبيني
إبن المُلَوَح فارس الفُرسان
رجعت أشوفِك يا بعد عَيني
قالوا مَريضة والجِسِم تَعبان
مَروا سنين وما حَكَيتيني
عَرَفت أني بِمشكلة عَلقان
طَيفِك إجاني تا يِسَليني
عَرفت روحِك وصلَت الرحمان
سهِرت عا قَبرِك وشُفتيني
وعرفتي إني مَيت وعَشقان
..بقلمي..ياسين مصطفى بكري....
ليست هناك تعليقات:
إرسال تعليق