%%% كلمتين وبس %%%
* ~~~~~~~~~~~~~ *
كلمتين خفاف ... من بق فلاح وفلّاحه *
للناس اللى قاعده زهقانه.. ومش مرتاحه *
تعالى نفضفض عن قلوبنا ... ونتكلم بصراحه *
احنا عايشبن ليه ؟؟ .. سؤال عايزين نجاوب عليه *
عايشين نعدّ الايام..وهى عيشه والسلام.. طيب ليه؟ *
نحب من بعيد.. ونكرر ونعيد..كلام فى الغرام نرتاح اليه *
~~~~~~~~~~~~~~~~~~~~~~~~~ *
تقدر تقوللى اخرتها ايه ؟! شهر والتانى.. وتنتهى مدة الامانى *
ونرجع من تانى للزهق الاولانى !! فراغ * وحيره * وسماع اغانى *
نحلم ببكره .. جاى ومعاه الزفّه .... ولا بكره جهّ ولا الحبيب استنانى *
~~~~~~~~~~~~~~~~~~~~~~~~~~~~~~
عايزين بقى نحب ونتحب..من غير مشاكل ووجع فى القلب ولا أحزان* نجيب الحب ده منين ؟؟ ولو بيتباع ... لـ كنت اشتريت منه الف فدان *
لكن ياخساره !! على قلوب الحيارى !! تاهت .. وضاع منها العنوان *
لاعرفت تلاقى حظها.. ولاترجّع حبها .. ولاحتى رجعت زى زمان *
~~~~~~~~~~~~~~~~~~~~~~~~~~ *
ونعيد الكرّه من تانى.. والقلب يصرخ آآه يانى.. كفايا حرام *
وتصرخ الايام فى وشّه.وتقوله ملكشى عندنا قصة غرام *
ماتكتبشى لقلبك الراحه ... ومليكشى عندى إلا آلآلام *
ولو زعلت منى .. شوفلك ايام غيرى وخلص الكلام *
خد قلبك فى حضنك .. وسيبك من وهم الاحلام *
صارح حبيبك وصالحه..او تفضّك من الاوهام *
ولو كان بيحبك صحيح .. هايجيلك اوووام *
ولو كان بيتسلّى بيك .. هيقولك سلام *
~~~~~~~~~~~~~~~*
ليست هناك تعليقات:
إرسال تعليق