حب حياتي
قالو سيبيه ده راجل ميستهلكيش
ابعدي عنه متقوليش له متمشيش
اللي يجي في الريش بقشيش
كملي حياتك لو نداكي مترديش
قلت صعب امشي من غيره متجيش
قلبي بعده ميقدرش يكمل و يعيش
هو حياتي والدنيا بعده ماتساويش
الدنيا وانا معاه قصة حب مابتنتهيش
قلبي بيقول ده حبيبنا وزيه منلاقيش
حياتنا من غيره وحياته من غيرنا متساويش
كلنا بنكمل بعض وبينا ملح وعيش
بنزعل وبنتصالح وخصامنا
ثواني مايعديش
نحلم نبكي نفرح حبنا حالف يعيش
سيبكم مننا كلامكم ميلزمنيش
انا من غير وجوده الدنيا ماتسعنيش
كلمة اخيرة هو حياتي بحبه متلومونيش
انا من يوم ما شفته غيره مايلزمنيش
مجنونة بحبه ايوة بقولها ومايهمنيش
هو حبيبي وانا حبيبته لو جوعنا ولبسنا خيش
فاطمة قرقوري الوردة البيضاء
ليست هناك تعليقات:
إرسال تعليق