المنشورات .. والناس
في ناس
لو شو ما كتبت
ولاّ شو نشرت
ما بعلقولك بنوب
لو نشرت دين
ولاّ حتى حطّيتلن عنترة بحالو
ولا امرئ القيس .. عالفاضي
وفي ناس
بتنشرعن الحرب والموت
بحطّولك اعجاب
أو بحطولك
صباح الفل والياسمين
وفي ناس
تعليقن مرهون بتعليقك
علّقلي بعلقلك
مقايضة يعني
متل التجارة بيع وشري
وفي ناس
بتعلّق حسب الجنس
بقصد بتفاعلوا
مع منشورات الستّات اكتر
من الرجال
وفي ناس
بتتفاعلوا مع اسم
صاحب المنشور
حسب المعرفة يعني
وفي مواقع ما بوثقولك منشوراتك
الاّ اذا تفاعلت معن
شرط يعني
وفي مواقع كمان
ما بتكرمك
الا اذا علّقت وردّيت ع تعليقاتن
وفي قلاااااال من النااااس
إلّي بتفاعلوا مع
مضمون النص
معنى ومبنى
بغض النظر
تفاعلت معن ومع منشوراتن
ولاّ ما تفاعلت
همّن الكلمة وشو بتعني
بقصد فحوى المنشور
عندن الأهم
وفي ناس
تعليقاتن جاهزة
Copy
و
Paste
ومعيودة ومكرًرة
وفي ناس
منشوراتن كلها
نقل بنقل
يا من النت
يا بلقطوها من هون ومن هون
والتفاعل معن بالميّات
وخصوصا اذا كانوا..
فهمكن كفاية
وفي وفي ..
الزبدة ..
بقصد صفوة القول
مش الزبدة إلّي بتتّاكل
قلال جدا إلّي بتعاملوا مع الكلمة
ومع النص الهادف
هاد إلّي قصدته وعنيته
مش عشان اعجاب ولا تعليق
ولا حتّى كمان توثيق أو تكريم
بالمناسبة
كل وحدة منّن منيحة
اعجاب
تعليق
مشاركة
توثيق
وتكريم
واذا اجتمعوا
بكونوا أحسن وأحلا
ما حدا بكره يتكرّم وو ..
بس الأهم منًن كلّن
تنقرأ الكلمة وتنفهم
والتفاعل ووووو ..
يكون للنص ومتجانس مع
فحواه ومعناه
مش لشي تاني
والباقي تحصيل حاصل
و مفاعيل
هون مربط الفرس
وهون حطنا الجمّال
على فكرة
إن من أعظم التفاعلات للناشر
هو نشره الذي ينشره
على صفحات المجلات والمنتديات ..
فالمنشور بعينه تفاعلا وحضورااا
لا يدانيه اعجاب ولا يضارعه تعليق
وهوالأداة المحفّزة للمتلقّي
للتفاعل معه
وليس العكس
بالطبع هناك آراء تجلّ وتحترم
وقد يحتاج الأمر للرد عليها
أو توضيح لبس ما
بصورة مختصرة
ومقتضبة ..
إذ ليس المكان
أعني مكان التعليقات
منتدى أو صفحة للحوار المفتوح
تحت عناوين ومسميات
خلّينا هون
وعالمكشوف
وخلّي الناس تشوف
وخلّي الفايدة تعمّ
والرد هون
مش عالخاص ووو ..
لكنها ليست أمرا
عنيت الردود
ولا أمرا ملزما
نلزم فيها الكاتب الرد عليها
مرغما ومكرها
كما أنها ليست حوبا
ولا مثلبة و إثما
حال تلافيها وعدم الرد عليها
فما يدار من آراء وتفاعلات
مقرون بما جاء ومرهون
فالمنشور وما حواه ووعاه
هو نقطة الارتكاز والباعث
للتفاعل بما جاء أعلاه
مجتمعا او منفردا
والتي يدور عليها الكلام والحديث
ولا داعي لإعادة ما ذكر آنفا
وما مر ..
أبو آمن
ليست هناك تعليقات:
إرسال تعليق