رباعيات وخواطر
في ( حب مصر )
ل حربي علي
شاعر السويس
( نقط إلتقاء )
رأيت
بعينيكي كل الأشياء
ماكان
منها . صدقا ورياء
فإفعلي
أنت ماتشائي
بقلبي وإنتمائي
فإن : لم أنتمي
ماوجدت نقط إلتقاء
وصباح الخير يامصر
( مصر جميلة )
مصر جميلة؟
تبع شوفك
لو شوفتها
إنت وظروفك
يمكن
تشوفها حلوة
أو تشوفها
عكس
ماتشوفك.
المهم هي:
بتحب مين
ولمين جميلة؟
بعد ماتقولك.
كله من زوقك
وعجبي
( لعنة فراعنة )
يا أم
الكلام والمعنى
بتفسير
جميل يجمعنا
أوامك في القلب آيه
وعيونك لعنة فراعنة
ياحبيبتي يامصر
المصريين
أكتر مسلمين
بيحبوا آل البيت
يااللي: ماقريت
دعاء السيدة زينب
لمصر .
ح تعيش
كإنك / عمرك
ماحبيت
قالوا :
مصر مش عربية
قلنا إحنا أخوال النبي
من قبل ماريا القبطية
هاجر جات من مصر
ومصر كلها.
راحت لإبراهيم النبي
وعجبي
( هم الليل )
ياشايله
هم الليل وناسه
الآسيه الغريبة
سيبك م الليل الطويل
وهاتي
الليالي القريبة
دي البعيدة
عنك عزول
والقريبة
منك حبيبة
ياحبيبتي يامصر
( الفساد مستقر )
في : مصر
العربيات أكتر من الناس
مع إن :
الناس الفقيرة ؟ حراس
وده
يأكدلك إن :
( مصر غنية جدا )
بس الفساد
(مستقر)
في : ناس أنجاااااااااااس
وعجبي
( سلبية من كله )
ورجع
الشعب تاني
مايهتمش بالرئيس
يمشي / يقعد ؟
بيقول : مايهمنيش
( كفاية مصر قاعدة )
وحتى
لو قلتلها تمشي.
هيه :
بتطلع لسانها ليا
ولا بتمشيش
وعجبي
( عيب جدا )
عيب
تبقى لاجئ
عندنا
إنت (واحد) مننا
دا
إحنا
فلاحين
من الشرقية
وصعايدة من قنا
ياسوري
(يايمني)
ياليبي وحبيبي
مصر تسعنا كلنا
( الجاهل السافل )
إبتدت
ب (الأغاني)
قلنا : مفيش مشاكل
وإنتهت
ب (الرقص)
قلنا : خليها تاكل
ياخسارة يامصر
لا عرفنا نقولك: حرام
ولا قدرنا.
على: الجاهل / السافل
وعجبي
( المعادلة )
بحبك
وإن صعبوا المعادلة
بحبك.
يا اللي: مش سائلة
وإن
فضلتي كده سنين
أنا
العاشقين يا جاهلة
وصباح الخير يامصر
( إنت الخير )
يالابسة
(التوب)
أخصر في أخضر
على شكل
قلب أبيض في أحمر
من بياضه سنانك بتنور
في :
خيالي إنت وبس الأجمل
ماضي وحاضر ومستقبل
م إنت الخير
في: أجمل منظر
وصباح الخير يامصر
( ترابك )
وصفولي
الدوى وصفة
أبوس
ترابك أشفى
وعسل
حالي من الشفة
ياعسل
رايق مصفى
بحبك يامصر
( زلزال جديد )
الدنيا
مقلوبة
زلزال جديد
وله توابع
والعركة منصوبة
لغاية
ماتروح المواجع
ياترجعي
لكل عاشق / حبيبة
ياتموووت .
كل العشاق في الشوارع
ياحبيبتي يامصر
( فيه الخير )
شعبك
لسه فيه الخير
صابر
صبره وصبر الغير
يا أم الدنيا
إرفعي راسك.
بنتك / دنيااا
ضميرها كبيييييير
وصباح الخير يامصر
( مابتحسيش )
حبيتك عشان أعيش
دوايا غيرك. مفيش
هزمت لأمريكا جيش
وإنت
إيه مابتحسيش؟
ياحبيبتي يامصر
( نهاية الفيلم )
العلمانية :
مش (رفع شعار العلم)
دي جاية :
عشان تشيلك
من أجمل حلم
حلم تطبيق
(الشريعة الإسلامية)
اللي هو ؟
لاااااااااازم
ييجي في (نهاية الفيلم)
وصباح الخير يامصر
( كعبة العلم )
ياصغيورة
جوه الصورة
وكبيرة
جدا . في المقام
يافرعونة بالآسطورة
وكعبة العلم في: الإسلام
بحبك يامصر
( تسلمي من كل عين )
يااللي:
فيكي (آل بيت النبي)
الصادق والأمين
والسيدة
زينب أم هاشم
و (سيدنا الحسين)
والمرسي أبو العباس
في إسكندرية
وفي قنا :
(سيدي عبدالرحيم)
تسلمي
من كل عين رزية
من هنا ليوووووم الدين
ياحبيبتي يامصر
( غيرك مين )
حبيبتي.
وأمي وشرف بنتي
ضحكتي
وعذابي ومصيبتي
والشعر
الأبيض اللي لونتي
وفرحة.
شبابه اللي: شيبتي
أنا ليا غيرك مين ؟
ده لو عاصك الطين
أضيع أنا وعيلتي
ياحبيبتي يامصر
( بنت القمر )
نحن أحفاد
( علي )
وفاطمة الزهراء بنت القمر
أشراف ( مصر )
وسادة الأردن
والمغرب العربي المزدهر
أبناء الحسن
و الحسين
فهل بالصمت نفتخر؟
لا لا
( لن نصمت )
والحلو فينا ذاك الثمر
بذورا
من ( محمد )
جعلت
قريشا بكل الدنا تشتهر
الشريف
حربي علي
ليست هناك تعليقات:
إرسال تعليق