طول ما ميزان العدل .....بقلم الشاعر السيد محمد

 بقلمى /السيد محمد 

طول ما ميزان العدل مايل.. 

طول عمري هفضل شايل.. 

ولا هأشتكي لحد ولا قايل..

لأن الشكوى لغير الله مذله

ولرضا ربي بأرجو أكون نايل.. 

لأن الله وكيلي وحسبي ومن عدوي قادر وطايل.. 

الحق هيرجع من غير ما دمعي يكون علي الخد سايل.. 

ده ربنا حق وبينصر الحق بلاش تترجي في العبد وتتحايل.. 

ده المظلوم هيعيش في نعيم والظالم هيقابل ياما هوايل..

أفرح بالدنيا يا ظالم علي قد ما تقدر ،،

وأبقي خلي بالك لتتخايل.. 

وأوعي تغيب من الصوره ،،

صورة ضحكتك علي قلوب مكسوره ،،

ومن شيل الهم بتتمايل.. 

ده أنا طول عمري هفضل شايل.. 

طول ما ميزان العدل مايل..

بقلم/ السيد محمد