/ عندك شي زين.!
"""""""""""""""""""""/
عندك شي زين شفتو البارح.!
وردة و اشفار للعين جارح
القلب اتلف سار لعقل سارح
وانا الهايم طالع نازل فالمدارج
يحسن عوني في دار بلا امخارج
هاذ الزين يكوي كياتو ما ايثوب
خليك سايس حب ما منو هروب
يسر خطوات الربح قل يا مكتوب
الالة مولاتي راني بالعلة انذوب
*عندك شي زين شفتو البارح.!
زين الطاووس اتهدن ارخى اجناحو
اللون فاللون بالعشق دموعي طاحو الي يعشق الزين شلا خاصو سلاحو
يطلع للجبال ايشوف عشق النجوم
عشق النجوم كمرة سول كيف راحو
كلها تسبح في الفلك تواسي جراحو
*عندك شي زين شفتو اابارح.!
عندك شي زين يا مولات الخالة
الورد فايح و الخاطر ما في حالة
اتبعت المسرار عادة تلفت النعالة
اجمعت الحب فسرتو كلام جيلالة
* يا اللايمين واش حب لوطان حرام.؟
قولوا لي نصحوا في حكاية لغرام
والاواسيوني مع قلبي طيلة الايام
انا يا العاشقين فالله نركع بالعام
ما ني اعبيد ماني مذلول فالمقام
سبابي ريم و احمامة و القلب هام
* عندك شي زين شفتو البارح.!
زين المسكين اصلي ساكن في نوالة
زين الرحمان فلةلا صباغة ولا مطالة
اللسان احلو بالاداب ايخاطب العقالة
بالزين او البها صداقها غلاوه الرجالة
بنت لحلال والرضا لاش ذوك القوالة.!
*عندك شي زين شفتو البارح.!
بنات الرجال و بنات الاصل صالح
القد و القامة الحشمة و الزين فالح
طلعت نخلة فين ايبان الزين سايح
ياسمين وردة وارفة بلا شوك جارح
يلطف الله علينا انكعدو وساد طايح
شلا الوان فالحب وانا لوني ما رايح
ماني زلال.... ماجن غير حب التربة
حب التربة عند النفس دار افضايح
بلغت اسلامي لللاٌيمين ربي تهدي
تجعل امقامنا عندك فالجنة يا القادر
العابد عبد الرحيم : 08/04/2018
ليست هناك تعليقات:
إرسال تعليق