#اخرت_صبري
#كلمات_ايمن_شتا
ماهو كان لازم أوجع قلبي
وأفضل احايل في الايام
خدت انا ايه من صبري معاكي
أخرت صبري أخدت آلام
...
انا كان مالي ومال الحب
وتعب القلب وسهر الليل
كنت انا بسمع عمرو وتامر
كنت لوحدي بس جميل
...
كان اصحابي بيحكوا وجعهم
وانا بسمعهم واخبط كف
شوفت دمعهم عاللي بيعهم
كنت بدور وشي والف
...
اهو دلوقتي بيحكوا عليا
واللي يواسي واللي يطبطب
واللي يقولي اهو ماضي وراح
واللي يهزر علشان انسي
بس في عينه الدمع براح
...
كل دا بس عشان حبيتك
واتعلقت بقلبي معاكي
بس يارتني ماكنت عرفتك
علشان اقدر يوم انساكي
...
مانا كان لازم أوجع قلبي
واسهر اعد نجوم الليل
اهو دلوقتي بخلص سهري
بقعد واسمع في المواويل
...
وأفضل احايل في الايام
خدت انا ايه من صبري معاكي
أخرت صبري أخدت آلام
....
ايمن شتا
ليست هناك تعليقات:
إرسال تعليق