قصيدة بعنوان
(وأنا بتوجع؟؟؟)
وأنا بتوجع.
عمري ماقولت الآه.
ولاحد حس بكسرتي
وأنا بتوجع وقلبي
جواي.........
بيتولي و كل يوم
بانضرب من الدنيا
مية قلم.
رغم الألم الناس بتشوف
على وشي ضحكتي.
وفاكرين رغم الهموم.
والتعب جوا مني
سعادتي وفرحتي.
وأنا كل يوم بتوجع
رغم الأذى رغم الأنين
رغم الحياة المريرة
عمري ماقولت لغير
ربي شكوتي.
وأنا بتوجع رغم المعناة
وال شاربين
منها كاس المرار
إل إحنا فيها
وحاجات كتيره
منها الخراب.
منها الدمار
منها غلاء المعيشه
والضياع عمري مابصيت
وراي وأنا ماشي مرة
في سكتي.
كنت أقول اليوم إل جاي
إنشاء الله هايكون
أحسن من ال قبله.
وأكيد هلاقي حد
هاحبه وأعشقه يأنسني
بوحدتي ويشيل عني.
بعض الهموم
أفضفض معاه
عن أشياء
جوا مني
وأسرار خافيها
وكتمها أخاف لا تطلع
يبان علي لوعتي.
واشتياقي لتراب وطني
واهلي وامي واخواتي
وأولادي وزوجتي.
وأنا بعاني في
غربتي....
وأنا بتوجع.
بضحك وأقهقه
وأنكت وضاربها
طناش رغم وجود
بركان بيغلي
أخاف ينفجر
يضيع صحتي.
أصبر وأقول بكره
تهون ومسيرها.
تتعدل لا بإيدنا
نغير القدر
والمكتوب وأعدل
من حياتي
صفحتي........
كان نفسي أوقف
الزمن من حساباتي
لو ساعه فيها.
أعدل ميزان عقلي
وأوزن كفتي.
وأعيد الماضي
بالزائد والناقص.
وأرتب أموري
مرة تانيه
وأفند حسبتي.
وأنا بتوجع
22/11/2022
(ترنيمات وخواطر.بقلم..........)
ليست هناك تعليقات:
إرسال تعليق