قصيدة بعنوان
(تخيل؟؟؟؟!)
تخيل.....
إني حبيتك.
تخيل إني عشقتك
وتركت الكل
وهويتك.
وكنت منيتي وغايتي
وهدفي يوم
ما لقيتك
تخيل إني قريب
منك...........
تخيل إني جار
بيتك......
تخيل........
إني وصفتك
بإنك طيب
عنوان للحب
في شريعتك.
وقانونك.
سيف على رقابتي.
إن يوم تجرأت
وعاديتك.
تخيل........
إنك فارد.
للخير جنحاتك.
وململم الكل
ومعشش وجوا
في قلبي وفي
نن العين داريتك.
تخيل إنك حاضني.
وأنا حاضنك.
راميين من ورا
ضهرنا همومنا.
وقافلين على نفسنا
بابنا وراضين
بال كاتبه ربك.
وبالمقسوم.
لا بنشكي ولا بنحكي
ولا بنقول معبينا
هموم.
وحمدينه وشكرينه.
وعابدينه مع إننا
كلنا ذنوب.
ومحدش فينا معصوم.
تخيل..........
إني كرهتك
إني صديتك.
وجيت تخبط
على قلبي.
قفلته ورديتك.
تخيل إني مش
راضي على عيوبك
وأطباعك وخصالك
تخيل إنك بتكرهني.
والكره طبعك
وريسمالك
ولو انقلبت السما
على الأرض
كان اتغير
في يوم حالك
مش تفرق.
والفرق في نظري
محسوم...........
بتدوم بينا عشرتنا.
وبنتصالح مع أنفسنا.
لا في خصام.
ولا عتاب ولا مين
سب ومين اغتاب.
ومين شايل في
قلبه ضغينه.
ومين عايشها
طول عمره عذاب.
ومين كان فينا
كان صادق ومين
في كلامه كداب
ومين بيجمل في
نفسه ومين على
التاني قام عاب
صدقني باقينا
احباب........
ودامت طول عمرنا
عشرتنا كبرنا
أو شعرنا شاب.
ومضغنا الظلط لبعضينا.
وبقينا في الحياة
اصحاب..........
تخيل.............
5/11/2022
(ترنيمات وخواطر.بقلم.........)
ليست هناك تعليقات:
إرسال تعليق