قصيدة بعنوان
(خلاص؟؟؟؟؟!)
خلاص مش قادر
أتحمل إهناتك.
إهناتك مش إنك
تلعن وتسب
إنك تتجاهل قلب
كان ليك
في يوم حب.
تتجاهل عمر بطوله
عيشته معاك.
من يوم ما كنت
في يوم شاب.
إكبرت معاك وكبر.
حبك في قلبي
وإتعلمت إن القلب
إل يحب مايعرف
يكره بعد ما طب.
خلاص مش قادر
أصبر أتحمل.
وأنا شايف بأم عيني
إنك قدامي ومش
قدامي جسم بيتحرك
بدون روح ومشاعر
وإحساس في قلب.
خلاص قلبي بيتألم
وأنا عاجز وأنا واقف
مكتوف الأيدي مسلوبة
إرادتي ........
قدام الدنيا الملعونه
ورياح تجتاحني
وتخلخل وتزلزل
كل كياني وفي
وشي نار بتهب.
خلاص كترت
أعذارك وتلكيكك
على الفاضي
وعلى المليان.
وبتقول على نفسك
طيب غلبان مع إنك.
في حقيقتك تعبان.
بتلدغ بنعومه حيه
بتتسهوك لما بتمسك
فريستها راحت في
طي النسيان.
عادة حواء بتتلوى
بدموع تماسيح.
تاخد منك لما بتتلف
أعصابك وتهد في
حيلك تشيلك هموم
الدنيا مرة تقول لك
أولادك تعليم ودروس
أكل وشرب ولبس
ودا واجب مش
قادر بتتجوز ليه.
بنات الناس مش لعبه
في إيدك.
يا سي السيد
ويا أفندي يابيه.
ملعون الحب إل يبهدل
أصحابه وكرامته.
على تراب بيساويه.
ملعون أيامه وسهر
الليل بطوله.
وناره في القلب
كاويه..........
ملعونه الواحده
إل ماتعرف.
قيمة حبيبها.
وإل عشانها باع
الكل قدام عينيها
وروحها وعينيها.
والقلب شاريه.
خلاص كترت
إهناتك........
25/9/2022
(ترنيمات وخواطر.بقلم.........)
ليست هناك تعليقات:
إرسال تعليق