صدقة عني ...بقلم الشاعر السيد حسن

 ..صدقة عني..

            __________

ياللي حبك جرحني.

وكان غدر و ألم ..

ماهنش تقول سامحني.

لقلبي اللي إتظلم..

أتاريك كنت ناوي.

من بدري ع الخيانة.

طبعك ما انت غاوي.

قسم خيانة الأمانة..

ياللي خدت مني.

عمري من غير تمن.

أعتبره. صدقة عني.

و شايلها للزمن..

عملت معاك الطيب.

ورميته انا ف البحر..

عشان ظني عمره ماخيب.

عارفك استاذ ف النحر..

بتدبح من غير ماتسمى.

سكينتك على طول تلمة..

و دايما بتحرق دمي.

ماتهنش اجرحك بكلمة..

بتبقى انت اللي دابحني.

وعامل نفسك علم..

عشت الحياة تناطحني.

ف الاخر عقلي سلم..

من شرك ومن غرورك.

ف المر حييجي دورك..

تشرب و تتمنى إني،

لو ف المنام أزورك....

ياللي حبك جرحني..

وكان غدر و ألم ..

ماهنش تقول سامحني...

لقلبي اللي اتظلم ....

                      بقلم/السيد حسن.

28/9/2022