مكاين لاش ..
بقلم:حميد النكادي..
مكاين لاش
تجيني ديما ندمان
عييت ببهوتك
ونيتك ما بغات تبان
كل ما قلتْ تهنيت
تزيدني جرعة أحزان
عييت نقاد لحمل
ولا خير منك بان
طريقك شوك دماني
عييت أَنَّقي لقدام
ظهري تقسم
ؤُلَا بغيتي تلعن الشيطان
تَنْفَثْ سمك وتمشي
بحال حتى شي ما كان
حتى لين
حل عينيك يا انسان
راحنا غير دم ولحم
إحساس وشعور
ماشي حنا أصنام
واش تبغي لي
يمص دمك ولحمك
يخلي فيك غير لعظام
غير حالك انت
يزيان حالي انا
ربما تضحك لينا ليام
علاش النكِير(g)
علاش صداع الراس
باراكا من لكلام
لعمر قصير
قِيلْينا من لخصام ..
1/6/2022 فرنسا
ليست هناك تعليقات:
إرسال تعليق