جوع لعقل(جزلية مغربية).
بقلم: حميد النكادي..
يا دنيا يا مرايا
عشش فينا الجوع
لا همة لا عنايا
نشوف روحي
فيك هايمه
يزيد همي
دمعي وبكايا
عَيّاني ثقلك
من كتف لكتف
سًليتي معايا
سكن فينا الخوف
نفكرو غير
فالكرش كفايا
الناس وصلت المريخ
العلم ولقرايا
ؤُحنا تمسحت اللواح
تهرس لقلم
وخوات الدوايا
كلها دايها فهمو
يفكر فالقفة
ماعندو وقت لقرايا
جوع لعقل جوع
أكثر من الكرش
سباب زلطي وشقايا
قرا ؤ زيد قرا
عمر الرأس
لكرش بالقليل
فيه كفايا
حميد النكادي7\3\2022..فرنسا
ليست هناك تعليقات:
إرسال تعليق