الورد ذبال...
زجلية مغربية بقلم: حميد النكادي.
وْجَعْني قلبي
وجعني بزاف
كِ شَفْتْ
الورد ذبال..
يوم كان في غرسو
شحال كانت
روايحو ؤُ عطرو
يفوح شحال..
حَسْكُو المنجل
مابقا صالح غير
للديكور و التَّجْمال
نهار على نهار
يطفا ؤ يصفار
واخَّ راه مْسَتَّفْ
فمشموم البلار
يْجي نهار
يموت يصفار
ؤ يَتْلاحْ مع الازبال
ما يْتيق احَدْ
فالزمان الغدار ..
إلا خانتك صحتك
طِّيحْ عليك الدنيا
تقيلة تْقُلْ لجبال
ما ينفعك اوْلَادْ
وَلَا يشفع لك مال ....
عين تاوجدات 5/2/2023
ليست هناك تعليقات:
إرسال تعليق