ق:يـآ رب ارزقنــا بطبيتهــا
ك:أحمد عبد الرحمن صالح
〰️〰️〰️〰️〰️〰️〰️
♦
♦
♦
. قالولي اوصف وقول فى الناس
. ومهمـــــــــــا تقول بلاش توجَع
. صحيح الدنيـــــــــــــــــا مليانة
. لخير ولشر أهـــــــــــــى بتجمَع
. ولو تقدر تقــــــــــــــــول الخير
. ياريت تلقـــــــــــي قلوب تسمَع
♦
. فى نــــاس الطيبة مليها
. تعاتبهــــــــــا تقوم ترجَع
. ومهمــــــــا غلطت وياها
. تسـامحك والعيون تدمَع
. بتحـــاول كمان تراضيك
. ومهمــا عملت ليك يشفَع
. بأنـــي الجنة فى قلوبهم
. وبتـــــــداَوي ولا بتوجَع
. قلوب عـــــايشة بفطرتها
. لا بتــــــلاوع ولا بتخَدع
. بتتمنـي لغيـــــرها الخير
. ولـو بقليل أهــــى بتقنَع
. ولا مــــــــــره تقولك ليه
. ولا بتســــــأل لكام تدفَع
. بتتــــــــــــــوكل وتعقلها
. لغير المــــولا مـــا بتركَع
. بتسعـــى وتقصد الحنّان
. ورزق ولادهـا بيه بترجَع
. ومهمـا ظروفهـا حصرتها
. بتحمـد ربهــــــا وتخشَع
♦
. ولو تقصـد ببانهــــــــــا فى يوم
. للحـــــم كتافهـــــــــا ليك تقطَع
. قلـــوب مليــــــــانة حب وخير
. وعمر فـى غيرهــــــا مـا بتطّمَع
. يـــا رب اِرزقنـــــــــــــا بطيبتها
. وخلينــــــــا ليهـــــــــــــم نطّلَع
. وقدّرنا لفعل الخير
. ونجينا من المطّمَع
♦
ليست هناك تعليقات:
إرسال تعليق